和牛媽媽
親子
觀瀾山水田園旅遊文化園
深圳親子遊 | 艾尼摩神奇樂園 x 觀瀾湖水田園文化園 x 戶外放電
深圳觀瀾湖大家第一時間，一定係諗到觀瀾湖新城周邊親子玩樂景點。其實觀瀾湖仲有一個戶外親子度假園《觀瀾山水田園旅遊文化園》，我哋從觀瀾湖新城直接打車去到文化園，車程大概10-15分鐘左右。
呢到除咗有大型戶外兒童遊樂設施、騎馬、水上單車、機動遊戲設施等，仲有華服出租喺場內打卡。亦有鄉村湯泉同住宿，不過我哋今次只係一日遊冇租住鄉村湯泉住宿。
入場前，需先購票再進入園區。
如果好似我哋咁一日遊，可以參考以下資料。
入場票:
遊樂套票 ¥129 (身高1.2米以上) 門票包含17大遊戲項目: 冰雪王國門票、秦俑驚慄探險鬼屋門票、俑兵傳流快羅紀世界門票、浪漫雙層轉馬、幸福熊貓、需行車、大擺錘、碰碰車、極速騎士、恐龍目行車、星際戰警、激戰鯊魚島、自控飛機、星際爭霸、艾尼摩神奇樂園（不包含彩虹滑道項目）、裸眼7D影院+水月花仙劇場表演。
單人遊樂套票 ¥70 (1.2米以上大小同價) 門票包含8項遊戲項目: 冰雪王國門票、秦俑驚慄探險鬼屋門票、俑兵傳流快羅紀世界門票、浪漫雙層轉馬、激戰鯊魚島、星際爭霸、艾尼摩神奇樂園（不包含彩虹滑道項目）及裸眼7D影院。
由於妹妹還未夠1.2米高，同埋我哋唔係樣樣都想玩，所以我哋一家四口只需買3張單人遊樂套票 (¥70 x3)就可以入場。
^ 園區內設有付費電車，不過我覺得唔係好需要用。
入到去必玩門票包含遊戲項目「艾尼摩神奇樂園」。係一個好大嘅戶外放電空間，有大型兒童遊樂設施、超大繩網彈床、七彩滑梯、障礙遊戲、特式鞦韆等。
呢條水管滑梯真心又高又長!! 一定係超刺激，可惜當日滑梯冇開放...
戶外兒童遊樂設施，真心放電! 又上又落....
好彩仲有普通滑梯俾和牛b同妹妹玩~
嚟到公園另一個位置，我形容為七色彩虹區。
七彩繩網彈床區，空間都闊落的
七彩滑梯區，有多款唔同造型嘅毛彩滑梯
特式鞦韆區，有唔同造型嘅鞦韆~打卡遊玩都唔錯。
超長彩虹滑梯，仲有鍛鍊身手嘅兒童遊樂設施。
地下舖上彩虹色網布，打卡真係好靚!!
打卡都唔錯~
^ 當日暫停開放嘅設施
^ 需額外付費嘅吹泡泡單車
入場套票不包括項目「彩虹滑道」，¥15/次，個人覺得唔太抵玩。
離開艾尼摩神奇樂園區，往前走就會見到機動遊戲區。
由於我哋買唔係遊戲全包嘅門票，如果想玩就會額外再俾錢就可以玩啦~
打卡位，有少少長城Feel~
仲有支大炮~
雙層轉馬，不過當日只係開放下層，上層冇開放。
入場門票包嘅遊戲項目: 俑兵傳流快羅紀世界門票，如果小朋友鍾意恐龍，呢個區都幾得意!
入去行個圈，打個卡都唔錯。
設有遊戲區，不過需要額外收費。
再往前行有一些付費遊戲小項目
仲有電動船
場內仲有小食檔，如果肚餓都唔怕。
仲有攤位遊戲
入場門票包嘅遊戲項目: 激戰鯊魚島
仲有其他機動遊戲項目
玩樂區已介紹完畢，最後我哋去到園區內住宿那邊行逛，都係打卡勝地。
有啲似電視台嘅古裝街一樣，如果著住華服影相一定好靚!
個人覺得，唔算十分抵玩...特別係小朋友比較年幼，又唔夠1.2米，有好多遊戲限制，係玩唔到。設施亦比較殘舊，但盛在地方夠大，同埋可以著華服打下卡咁樣。
臨走嘅時候亦留意到，原來有假日專線。
【提前訂】觀瀾山水田園文化園+鄉村湯泉套餐 (低至$106起)
https://www.klook.com/zh-HK/activity/38713-guanlan-landscape-tourism-cultural-park-shenzhen/
【觀塘湖景房】1間1晚（含雙人早餐+雙人景區入園門票+雙人鄉村湯泉門票+《水月花仙》夜場門票）
https://www.kkday.com/zh-hk/product/156539?cid=14923
【觀瀾湖水田園文化園】
地址: 深圳市龍華區觀瀾街道君子布社區環觀南路
開放時間: 上午8:30 - 下午6:00 (最遲入園時間下午5:30)
-----------------------------------------------------
我哋發掘最新、至好玩嘅好去處呀。
https://www.facebook.com/80smami/
http://www.instagram.com/wagyubmami/
https://www.youtube.com/@Wagyubmami/
艾尼摩神奇樂園 和牛B 和牛媽媽 香港媽媽 深圳親子遊 深圳親子 深圳好去處 hkblogger hkbloggermom hkparenting hkkids hkmom 深圳探店 觀瀾湖水田園文化園
(此文章由U Blog 同步發佈至社群)
閱讀更多